TEKNI Verkstova KROPPAR v/Pernille Mejslov (Jan´21)

L I T B R I G D I

"NÝGGJ TÍÐ" 18. Januar frá kl 10.00 til 13.00 (Vaksin 17 ár+) "2 pláss tøk"
18. Januar frá kl 17.00 til 20.00 (UNG 10-16 ár) "2 pláss tøk"
20. Januar frá kl 17.00 til 20.00 (Vaksin 17 ár+) "FULLTEKNA"
 
 
 
 
 
 

TILMELDA VERKSTOVU


TEKNI VERKSTOVA

Evni: KROPPAR

Undirvísari: Pernille Mejslov


Dámar tær at tekna og hugsavna teg?

Tørvar tær íblástur og at víðka tínar tekniførleika?

Ynskir tú at finna teknigleðina av nýggjum?

So er hendan verkstovan nakað fyri teg!


Verkstovan er ætlað vaksnum, við áhuga fyri tekning og sum ynskja at royna at arbeiða við uppruna tekniútgerð frá Art Graf.


Verkstovan verður samansett av stuttum framløgum, praktiskari tekning og hópin av frítekning. Vit tekna kroppar ”fólk og djór”. Kroppar, sum standa stillir og kroppar í rørslum. Vit tekna STÓRT og leita burtur frá avmarkingum, sum eitt A4 ark og vanligi tekniblíanturin geva. Vit venja at tekna ”dynamik” og lív í okkara tekningar og mikro-makri tekna við Graphite Putty klumpi og tekniútgerð.


Írokna kostnaðin er øll útgerðin, sum verður brúkt á verkstovuni, óavmarkað royndarprentpappír og 4 hágóðsku tekniørk.


Kaffi, te og lættur nátverði fæst í steðginum.


Til ber at keypa fleiri hágóðsku tekniørk á verkstovuni og at keypa tekniútgerð og tilfar aftaná.


Pernille Mejslov hevur drúgvar royndir sum teknari. Talan er bæði um vinnuliga og listarliga tekning. Hon teknar m.a. tónleikarar og dansarar live við skjótum og einklum strikum. Pernille hevur millum annað eisini teknað fyri Dimmalætting og Varðan í ár.


Pláss er fyri 5 luttakarum á hvørjari verkstovu.


Ver í arbeiðsklæðum.


Kostnaður

600,- DDK

Stað

Atelierið

Ovaragøta 48.kj.

Hoyvík